NATIONAL News — Nagpromisa ro Department of the Interior and Local Government (DILG) it tempranong pag-anunsyo it suspensyon it trabaho sa gobyerno ag mga klase sang adlaw antes pa ro pag-abot it bagyo.
Raya hay matapos nga ginapasugtan ni Pangueong Ferdinand R. Marcos Jr. ro departamento nga i-anunsyo ro suspensyon sa mga kahigayunan nga may maeain nga paniempo.
Sa press briefing sa Malakanyang, ginpahayag ni DILG Secretary Jonvic Remulla nga kat gobernador pa eamang imaw it Cavite hay ginahimo eon nana ro pag-anunsyo it suspensyon it trabaho ag klase sang adlaw antes pa nga mag-abot ro bagyo.
Suno kana nga pagagamiton ro data halin sa Philippine Atmospheric, Geophysical and Astronomical Services Administration (PAGASA), ag maskin ro US’ Joint Typhoon Warning Center (JTWC), Windy.app, ag Japan Meteorological Agency para maghimo it “forecast model” nga imaw ro magiging basehan para sa pag-anunsyo it suspensyon.
