KALIBO, Aklan—Nag-arangkada eon ro Tinda Turismo nga ginbutang sa Pook port bilang kaparte it Tourism Month Celebration.
Angot kara, ginpahayag ni Kalibo sangguniang bayan member Ketchie Luces nga may pila ka mga establisyimento ag restaurants sa banwa it Kalibo ro nakipagbahin.
Makabig sigon raya nga night market bangud nga ginashowcase dikara ro mga produkto ag delicacies nga ginapabugae it Kalibo ag bilog nga probinsya it Aklan bangud nga kabulig kara ro gobyerno probinsyal.
Nagpabilin man sa nasambit nga lugar ro mga micro small business kaparehas it mga street foods bangud nga mag-eowas sa sunset hay mga pagkaon man ro ginadayo it mga lokal nga turista sa lugar.
Mag-eowas kara, nagpatigayon man ro LGU it Experience Kalibo Campaign kon sa siin ro mga sektor it akomodasyon, restaurants, tour Operator, arts & crafts, tourism attractions ag pasalubong Centers hay nakaangkon it mga promotional gimmicks agud makumbinse ro mga tawo nga umadto sa Kalibo nga nag-umpisa ko Setyembre 8 it presenteng dag-on.
