VIRUS ro rason it kaeunggo.
Ro kaeunggo hay maisot nga bukoe ag magaeas kon buytan.
Pwedeng masakit apang bukon man raya it kanser.
Masobra sa 200 ro klase it kaeunggo.
Ro kaeabanan nga kaeunggo hay makita sa alima ag tudlo.
Pila pa sa mga klase it kaeunggo hay ro Plantar warts nga kaeabanan nga nagatubo sa dapa-dapa.
Genital warts nga nagatubo sa sensitibo nga parte it eawas.
Flat warts, kaeabanan nga nagaguwa sa uyahon , alima ag hita.
Makataeapon ro kaeunggo.
Magahueat it daywa hasta an-um nga buean antes nga mabilog ro kaeunggo pagkatapos matapnan.
Ro pagpangbo-oe it kaeunggo hay mabakae sa mga drugstores.
Posibleng raya hay topical nga solution ukon patch.
Sa mga ordinaryo nga warts, usuyon ro produktong naga angkon it 17% salicylic acid, bangud nga ginapanitan kara ro apektadong parte it panit.
Ro mga makarondaya nga produkto hay kinahangean nga boengon adlaw adlaw.
Para sa manami nga resulta, ibabad ro kaeunggo sa maeaba-ab nga tubi it mga 15 minuto antes nga butangan it salicylic acid.
Dahanan eamang ro paggamit bangud ro acid kara hay posibleng makairita sa panit nga nakapalibot sa kaeunggo.
Kaabuan sa kaeunggo hay kusa nga nagakaduea.
Magkonsulta sa doktor kon ro kaeunggo hay masakit ag madasig nga naga abu.
