Hayra ro pilang tips sa tamang pag-inom it tubig, mag-inom it 8-10 nga basong tubi kada adlaw.
Kun may edad ukon mahina ro tagipusuon, puwede eon ro 4 ukon 5 basong tubi eamang.
Indi mag-eampas sa 16 nga basong tubi sa sang adlaw bangud nga basi nga masyadong mag-eabnaw ro atong dugo.
Tig sangkiri eang ro pag-inom it tubi.
Mga tatlo ukon ap-at nga eag-ok.
Indi pag gulpihon nga mag inom it 2 basong tubi eabi eon kon may edad bangud nga basi nga maeumos ro inyong tagipusuon.
Ro pag-inom it tig sangkiri hay manami man nga pangsukoe sa naga sakit nga tiyan bangud nga malimpyuhan kara ro mga asido sa tiyan.
Pagkabugtaw sa agahon, mag inom it sangka basong tubi.
Raya hay bangud nga kueang kita sa tubi ukon dehydrated eon sa agahon.
Ginalimpyuhan kara ro aton nga kidneys ag pantog.
Sa mga may lahi it kidney stones, ukon bato sa bato, kinahangean nga mag inom it tubi antes nga magkatueog sa gabi-i.
Raya hay agud nga indi mabilog ro kidney stones sa gabi-i.
Ro tubi hay manami sa atong panit .
Kon kueang sa tubi, magakurinot ro panit .
Apang kon may bastante nga tubi, magiging makinis ag malambot ro kutis.
Tan-awon ro kulay it ihi agud nga masayuran kon kueang sa tubi.
Kon madueaw ukon kulay orange ro inyong ihi, kinahangean nga mag-inom it tubi.
Kon bukon it mahilig sa tubi, puwede man nga magkaon it maabung pakwan nga masyadong puno it tubi ag may bitamina pa.
