KALIBO, Aklan — Arestado ro 26-anyos nga eaeaki matapos sigon nana nga himuslan ro 8-anyos nga gumankon sa Batan, Aklan.
Nagdangop sa Batan Police Station ro ina it unga kat masayuran nga ginhimuslan ro anang unga.
Suno kay P/Major Gilbert Baldevarona, hepe it Batan Police Station nga ginsaysay it Grade 2 learner sa ina nga gin-rape imaw it anang tiyo maeapit sa sangka bubon samtang nga nagapa-uli sa eskwelahan.
Nag-agi sigon raya sa lugar agud nga mageaba it anang underwear kat haagyan it suspek.
Ginataw-an sigon ro unga it P50 nga kwarta agud nga indi magsugid.
Pilang beses eon sigon nga ginhimuslan ro unga it suspek samtang sa trabaho ro anang mga ginikanan.
Samtang, padayun nga ginapamalibaran it suspek ro pagpanghimueos sa gumankon.
Ginpaidaeum eon sa inquest proceedings ro suspek sa Aklan Prosecutor’s Office sa kasong rape.
