BALITANG ESPESYAL – Kanding gidman baea o karnero?
Raya ro pangutana angot sa kung sin-o ro tunay nga ama it unga nga karnero nga ging-paeanganan kay “Flumo” sa Germany.
Agod nga masayran, ging pangidaeom pa raya sa DNA test ag excited ro mga siyentista nga sayuron kung hybrid gidman bae raya.
Gina sugid nga ging tiyo si Flumo it anang nanay nga karnero nga si “Selma,” sa sangka farm.
Apang ginadudahan ni Dag, nga tag-iya it mga sapat nga posibleng bukon it karnero ro ama ni Flumo, kundi sangka kanding nga si “Rune”.
Ro baeahibo sigon ni Flumo, hay puti nga may brown spots, nga eain sa baeahibo it karnero nga dark ro kulay kaparehas it ana nga ina.
Mas tunog kandng man sigon si Flumo rason nga lalong nagbaskog ro pagduda ni Dag nga nakahimo it hybrid nga karnero ag kanding ro anang farm sa pamaagi ni Flumo.
Pilang beses man sigon nana nga nadakpan nga si Rune hay nakikipag-mate sa mga karnero.
Base sa mga eksperto,ro mga karnero hay halin sa genus nga Ovia ag may 54 chromosomes, samtang naghalin man sa genus Capra ro mga kanding nga may 60 chromosomes.
Posible ro pag-mate it daywang klase it sapat ag posible man nga makahimo it embryo.
Apang bangod sa pagkaiba it chromosomes, namamatay sigon ro embryo sa inunlan pa eamang kaya indi makabilog it baby.
Tumaeasahon eang sigon ro nabubuhi kara gin pangidaeom sa eksaminasyon si Flumo agod nga masayuran kung isaea baea imaw nga ka hybrid.
Kat mabue-an raya it DNA test nag guwa sa resulta nga si Flumo hay purong karnero apang uwa nasayran kon sin o ro anang.
Maskin nga nadismaya ro mga siyentista sa resulta it test, padayon gihapon ro paghimo kara nga pag-tuon sa hybrids.
