Kalibo Aklan ———-Owa sa gihapon it pagapasugtan nga makapamantaw sa Tokyo Paralympic games nga nakataeanang maga-umpisa makarun nga adlaw hasta Setyembre 5.
Suno kay Bombo International Correspondent Jhonny Sato Gallos it Fuji City, Japan nga sa makarun hay nagapahaom eun ro limang ka mga atletang Pinoy samtang ro sambilog man hay ginpaidaeum sa isolation matapos nga magpositibo sa coronavirus disease ukon COVID-19.
Pagapangunahan ni wheelchair racer Jerrold Mangliwan nga imaw ro flag bearer ro opening ceremony nga magapasakop sa 400 meter, 100 meter ag 1500 meters.
Samtang si swimmer Ernie Gawilan hay magasabak sa 200m individual medley, 400 meter freestyle ag 100m backstroke.
Ro swimmer nman nga si Gary Bejino hay magapasakop sa 200m individual medley, 50m butterfly, 400m freestyle ag 100m backstroke samtang si Janette Aceveda hay magahampang sa women’s discus throw event.
Si Allain Ganapin hay imaw man ro unang Filipino nga magasabak sa taekwondo, samtang ro ulihing atleta ngamagasabak hay si Achelle Guion para sa powerlifter 45 kg.
