Gin-anunsiyo ni Tom Rodriguez nga divorced eon sanda it aktres nga si Carla Abellana.
Ginklaro it aktor nga owa nana hasakit ro aktres.
Mataeopangdan nga Oktubre 23 ku nagtaliwan nga dag-ong 2021 ginkasae ro daywa apang makataliwan eamang it kapin sa tatlong buean hay naka-angkon eagi it problema sa andang relasyon.
Kung siin pagkatapos nga magpaguwa it pahayag si Carla sa naging relasyon nanda it aktor hay owa eon man sigon it rason para padayon pa ro paghipos ni Tom.
Ginpahayag it aktor nga ku nagtaliwan nga Marso hay nagpanaw imaw paguwa sa Pilipinas antes nataeopangdan nana nga apisar sa anang mga effort hay owa eon raya tanan para kay Carla rason nga indi eon makaya pa nga euwason ro andang relasyon.
Ginbaton lang sigon it aktor ro naging desisyon it aktres apisar nga malisod ag masakit.
Samtang, US citizen ro aktor rason nga puwedi raya maka-file it divorce apang pagakilaeahon eamang ra sa Pilipinas antes nga paga-aprobahan it korte ro petition on recognition of foreign divorce decree.
