Tomboy nga binasted, nagpangayu it tabang matapos eumumpat sa seawall

KALIBO, Aklan – – – Naghanang magpakamatay ro sangka 22 anyos nga tomboy matapos binasted it 16 anyos nga dalagita nga anang gina pangasawa.

Bangud sa indi mabaton, nagpakahilong raya sa aeak sa baybayong sakop it Brgy. Tambak, New Washington, Aklan.

Insigidang eumumpat it seawall ro tomboy kun siin na-recover ro anang gin aywanang suicidal note sa anang bag.

Apang, gulpi eon lang raya nga nag paninggiton ag nagpangayu it bulig matapos nga gin hampak it mabaskog nga humbak.

Natigayun man nga mabuligan it mga pumueoyo ro tomboy ag insigidang gin daea sa pinakamaeapit nga ospital.