KALIBO, AKLAN — Patay eon kat makaabot sa klinika ro sangka tomboy nga Russian tourist matapos nga aksidenteng mahueog sa hagdan sa hotel nga gina dayunan kat makipagdueomugan sa kaparehong tomboy nga Russian sa Brgy. Balabag sa isla it Boracay.
Gin kilaea it Boracay Tourist Assistance Center (BTAC) ro biktimang si Luliia Burmistrova, 33, samtang, ro suspek hay si Uliana Zemlekhanova, 30, parehong taga-Russia ag nagabakasyon eamang sa isla.
Base sa report, bandang alas-2:55 it aga-aga kat matabo ro mainit nga pag inaway it daywa hasta sanda hay nagdueomugan ag aksidenteng hatueod it suspek ro biktima ag nahueog sa hagdan ag bumagsak sa semento.
Gin padangat pa ro biktima sa sangka klinika apang, gin deklarang patay eon.
Gina sugid nga nabagok ro ueo it biktima.
Insigida man nga naka-paeagyu ro suspek apang, naaresto sa gin patigayung hot pursuit operation.
