Kalibo Aklan ——-Arestado ro Top 1 most wanted person it National Capital Region Police Office (NCRPO) kasunod it ginkasa nga operasyon it gintingub nga pwersa it mga otoridad sa Brgy. Jalas, New Washington.
Ro akusado hay nakilaea nga si Jimuel Abarra, 21-anyos, tumandok it Sta. Ana, Metro Manila ag sangka part time caretaker it tangke sa nasambit nga lugar.
Si Abarra hay naaresto pinaagi sa gahum it warrant of arrest sa kasong murder nga may criminal case number R-MNL-20-01120-CR nga ginpagguwa ni Hon. Renato Z. Enciso, Presiding Judge it National Judicial Region, RTC Branch 12, Manila NCR nga may petsang Pebrero 12, 2020.
Kaangot kara, owa man it pyansa nga gintaeana ro korte para sa temporaryong kahilwayan it akusado.
Si Abarra hay temporaryong sa kustodiya it New Washington Police Station kung siin nakataeana man rayang igaturn-over sa korteng natungdan para sa nagakaigo nga disposisyon.
