-- ADVERTISEMENT --
KALIBO, Aklan—Nakataeanang iga-uli sa probinsiya it Aklan agud nga ipa-atubang sa korte nga natungdan ro top 1 most wanted person sa Aklan nga naaresto sa Masiit, Calauan, Laguna sa ginkasa nga operasyon it mga otoridad bandang alas 9:30 kabi-e.
Nakilaea ro akusado nga nagapangatubang sa kasong pagpatay nga si Allan Ivan Alvarado Layson, 50 anyos it Dinahican, Infante, Quezon.
Gin-aresto imaw it mga operatiba sa pagpanguna it Aklan Police Provincial Office ukon APPO sa gahum it warrant of arrest nga ginpapanaog ni Hon. Elmo F. del Rosario, Presiding Judge, Regional Trial Court, Branch 6, Kalibo, Aklan.
-- ADVERTISEMENT --
Temporaryo imaw nga naka-kustodiya sa Calauan, Laguna PNP Station para sa nagakaigo nga disposisyon.
