KALIBO, Aklan—Arestado ro top 1 most wanted person sa banwa it Libacao pinaagi sa gintingub nga pwersa it Libacao PNP ag 1st Aklan Provincial Mobile Force Company it Aklan Police Provincial Office (APPO).
Kasunod it ginpatigayun nga operasyon it mga otoridad, naaresto ro suspek nga si Ermito Asiong Jr., sa legal nga edad, residente it Sitio Maylunok, Brgy. Dalagsaan, Libacao.
Nadakpan ro suspek sa mismong panimaeay it anang magueang sa bahin it Brgy. Manika sa nasambitang banwa.
Si Asiong hay gin-aresto pinaagi sa gahum it warrant of arrest sa kasong rape nga may Criminal Case No. 15567 nga ginpagguwa ag ginpirmahan ni Presiding Judge Bienvinido P. Barrios Jr., it RTC 6, Branch 3 nga may petsang Nobyembre 05, 2020.
Samtang, owa man it ginrekomendang pyansa ro korte para sa temporaryong kahilwayan it akusado.
