Nadakpan it mga otoridad ro ginakabig nga Top 1 Most Wanted Person sa Western Visayas, nga ginkilaea kay alyas “Agot,” sa ginpatigayon nga operasyon sa banwa it Libacao, Aklan.
Suno kay Police Captain Aubrey Ayon, tagapaghambae it Aklan Police Provincial Office (APPO), nagpanago si Agot halin pa ku 2019 matapos mapasakaan it kaso nga murder nga ginpasaka it Libacao Municipal Police Station.
Bangud sa kabug-aton it kaso, nahimo raya nga prayoridad nga dakpon it kapulisan.
Ginpangunahan it Aklan Provincial Mobile Force Company ro nasambit ngaopearsyon matapos ro padayon nga intelligence gathering ag beripikasyon it impormasyon parte sa ginatineran it suspek.
Suno sa kapulisan, mabahoe ro nabulig it komunidad pinaagi sa pagtao it impormasyon nga naging daean para nga madakpan ro suspek.
Samtang, padayon man ro pagpatuman it APPO it mga security deployment sa mga eskwelahan, mga lugar nga ginatipunan it tawo, ag regular nga checkpoint agud mas mapabaskog ro seguridad ag kalinong sa probinsya. (Bombo Cherry Mae Illavera)
