Arestado it mga awtoridad ro sangka 18-anyos nga eaeaki nga Top 1 Most Wanted Person sa Kalibo ag Top 4 Most Wanted Person sa Aklan sa ginpatigayon nga manhunt operation sa Sitio Paraiso, Barangay Nalook, Kalibo ku Agosto 5.
Ginkilaea ro suspek nga si alyas “Nath,” sangka mangunguma ag residente it Kalibo.
Nadakpan imaw bandang alas-2:50 it hapon it mga kapulisan it Kalibo Municipal Police Station sa bisa it warrant of arrest nga ginpaguwa it Regional Trial Court Branch 3 sa Kalibo ku Agosto 4.
Nagapangatubang ro suspek sa tatlong kaso it statutory rape sa idaeom it Revised Penal Code.
Uwa man it ginrekomenda nga piyansa ro korte para sa temporaryong paghilway kara.
Una eon sa kustodiya it Kalibo MPS ro suspek samtang ginahueat ro commitment order halin sa korte.
