National News———Indi eun iga anunsiyo it Supreme Court (SC) ro pangaean it Top 10 passers it 2020-2021 Bar Examinations.
Raya ro sambilog sa mga reporma it SC pamaagi sa chairperson it 2020-2021 Bar exams nga si Associate Justice Marvic Leonen.
Apang suno kay Leonen, pagakilan-on pa nanda ro mga bar takers nga nagpakita it manami nga performance.
Gilayon man nga nagdipensa ro associate justice sa nasambitang reporma ag ginhambae nga bukon man it race ukon competition ro bar examination.
Bukon man sigon raya it basehan kung sin-o sa mga examinees ro magiging best qualified sa andang batch, mas mayad nga abogado ag mas relevant practitioner ukon ro mas compassionate individual.
Kung madumduman, owa nadayun ro bar exam ko nagtaliwan nga dag-on bangud man sa pandemic nga daea it Coronavirus disease 2019 (COVID-19).
Bangud kara , ginkasugtanan it mga mahistrado it Korte Suprema nga magpatigayon eamang it regionalization it 2020/21 Bar Examinations makarun nga dag-on partikular sa ap-at nga dominggo sa buean it Nobyembre.
