KALIBO, Aklan—Arestado ro top 7 most wanted person it Aklan Police Provincial Office ukon APPO sa Brgy. Sagrada Pamilya, Dumarao, Capiz.
Ginkilaea ro akusado nga si Jhony Dela Cruz, 44-anyos ag residente it Brgy. Polo, New Washington.
Si Dela Cruz hay naaresto sa gintingob nga pwersa it nagkaeain-eain nga law enforcement agency pinaagi sa gahum it warrant of arrest sa kasong pag-eabag sa Republic Act 7610 nga may criminal case number 14176 nga ginpaguwa ag ginpirmahan ni Hon. Beinvinido Barrios, presiding judge it regional trial court, branch 3 Kalibo, Aklan nga may petsang April 19, 2018.
Kapin sa 80,000 pesos ro gintaeana nga pyansa it korte para sa temporaryong kahilwayan it nasambit nga akusado nga presenteng una sa paghinakop it pulisya para sa nagakaigong disposisyon.
