Kalibo Aklan ——–Arestado ro sangka construction worker ag ginakabig nga Top 7 most wanted person sa Victoria’s City Municipal Police Station sa kasong murder.
Nakilaea ro nasambitan nga akusado nga si Rolando Magbanua, 52 anyos ag residente it Victoria’s City Negros Occidental.
Naaresto raya it Malay PNP bandang alas 9:30 kabi-e sa Sitio Diniwid, Barangay Balabag, Boracay sa gahom it Warrant of Arrest nga may criminal case number 12953-40 sa kasong Murder nga gin-isyu ni Hon. Dyna Doll Chiongson- Trocio, Presiding Judge RTC Branch 40 6th Judicial Region Silay City Negros Occidental ko Abril 19, 2021.
Owa man it piyansa nga ginrekomenda ro korte sa sa anang temporaryong kahilwayan.
Sa makarun hay temporaryong nakakulong sa Malay PNP ro nasambitang akusado ag nakataeanang igaturn-over sa nasambitang korte.
