KALIBO, Aklan – – – Nakahilway ro gina sugid nga top 8 drug personality sa probinsiya it Aklan matapos nga makapiyansa.
Kapin sa 400,000 pesos ro gin taeana nga piyansa ni Jocelyn Adoc para sa anang temporaryong kahilwayan matapos nga gina akusahan nga nagbayolar sa section 6 ag 11 it Republic Act 9165.
Bangud sigon sa teknikalidad sa nangin operasyon it Philippine Drug Enforcement Agency (PDEA) nga nakita it korte rason nga gin pasugtan nga makagowa si Adoc.
Nasayuran nga kapin sa napueong buean nga na-presu ro akusado sa Bureau of Jail Management and Penology ukon BJMP Aklan.
Madumduman nga Marso 31 ku nagtaliwan nga dag-un kat gin paidaeum sa search operation sa pagpanguna it PDEA ag kapulisan ro panimaeay ni Adoc sa pinaagi sa gahum it search warrant nga gin isyu it korte.
Kapin sa tunga sa milyong pisos nga balor it gina alegar nga shabu kamana man it 300,000 pesos nga cash ag mga alahas ro natigayun nga nakumpiska it kapulisan sa nasambitan nga operasyon nga nagresulta sa pagkaaresto kay Adoc.
