Kalibo Aklan ——Arestado ro sangka Top 9 most wanted person it Aklan Police Provincial Office (APPO) sa Sitio Bukid, Brgy. Tumalalod, Mambusao, Capiz.
Ro akusado hay ginkilaea kay Leo Flores, 26-anyos, tumandok it Brgy. Laserna, Nabas.
Si Flores hay naaresto pamaagi sa gintingub nga pwersa it mga miyembro it Aklan PPO Trackers Team, Nabas PNP, 605th MARPSTA ag PIS pinaagi sa gahum it Warrant of Arrest nga may Criminal Case No. 14671 sa kasong Frustrated Homicide nga ginpagguwa ni Hon. Judge Ronald H. Exmundo, Presiding Judge, RTC 6, Branch 4, Kalibo, Aklan nga may petsang Enero 28, 2020.
Kapin sa 72,000 pesos ro pyansang gintaeana it korte para sa anang temporaryong kahilwayan.
Sa makarun hay nagahimas eon it maeamig nga rehas si Flores ag nakataeanang igaturn-over sa korteng natungdan makarun nga adlaw para sa nagakaigo nga disposisyon.
