Kalibo Aklan ———Natigayon nga naaresto ro top 9 most wanted person sa probinsya it Aklan matapos ro haeos limang dag-on nga pagpanago sa Navotas City.
Ginkilaea ro akusadong si Catherine Tandas, sa legal nga edad ag presenteng naga-istar sa Brgy. Tangos sa nasambit nga syudad.
Si Tandas hay gin-aresto it Philippine National Police Anti-Kidnapping Group (PNP-AKG) pinaagi sa Warrant of Arrest sa kasong Human Trafficking nga ginpaguwa ag ginpirmahan ni Hon. Ronald Exmundo, Presiding Judge it Regional Trial Court Branch 7, 6th Judicial Region, Kalibo, Aklan.
Base sa report, 2015 pa raya ginamonitor it Anti-Human Trafficking Task Force bangud sa pagpang-engganyo kara sa mga biktimang babaye halin sa President Roxas, Capiz ag sa Iloilo kon sa siin ginapromisahan ro mga raya it maayos nga trabaho apang sa kaulihanan hay sa mga beer house eamang nana raya ginadaea ag ginahimong sex slaves.
Sa makaron ro nasambit nga akusado hay una sa paghinakop it pulisya ag nakataeana nga igaturn-over sa korteng natungdan kon sa siin uwa man it gintaeana nga pyansa para sa anang temporaryong kahilwayan.
