Ginpamalibaran ni University of Connecticut basketball coach Dan Hurley ro tanyag it Los Angeles Lakers nga coaching job.
Ginpamalibaran sigon ni Hurley ro $70 milyon nga offer it Lakers management.
Ginpahayag ni Hurley nga nalipay imaw sa naging offer it Lakers apang nagdesisyon sigon raya nga magpabilin sa college basketball.
Suno kana, ginapabugae nana ro presente kara nga college team ag nagapahaom eon sandang umpisahan ro pagpabaskog matapos nandang maiboesa ko kan-o eamang ro korona sa US college championship.
Si Hurley ro presenteng head coach it Huskies ag may record nga 141 – 58 sa sueod it anang an-om nga season sa Connecticut.
Sa sueod it anang karera bilang coach it college basketball, ginabuytan nana ro record nga 292 – 163 win/loss record.
Ko nagtaliwan nga dag-on hay nagpirma imaw sa $32.1 million nga kontratra kaibahan ro Huskies.
Samtang, nagapabilin nga uwa it head coach ro Lakers kasunod it pagkakas kay Darvin Ham ko nagtaliwan nga dominggo.
