Ro Bombo Radyo Philippines hay padayun nga ginapabakod ro pagiging NUMBER 1 ag MOST TRUSTED RADIO NETWORK IN THE COUNTRY sa pamaagi it pagpatigayun it Top Level Management Conference (TLMC) 2023 sa mismong lugar nga ginhalinan kara sa Iloilo City.
Maga-umpisa raya makaron nga adlaw it Miyerkules, Enero 4 hasta 7, 2023 nga pagahiwaton sa St. Clement’s Retreat House, Lapaz Iloilo City.
Ag para i-angot sa presenteng tyempo ro mga tikang, ro limang adlaw nga strategic planning session hay pagpangunahan mismo it President ag Chief Executive Officer nga si MS. MARGARET RUTH C. FLORETE, kung siin gingastusan it network ro aktibidad ag owa it politikong ginpangayuan it kontribusyon sa anumang pamaagi.
Ginapabugae man it network ro mga bag-ong pasilidad ag logistics upgrade nga nagakahaeaga it ONE HUNDRED MILLION PESOS (P100,000,000.00), antes pa man ro pandemya, nga naging armas para mapabaskog ro digital footprint sa pagkriar it Digital Bombo Radyo, agud mas pang mapaeapnaag ro serbisyo sa mga naga-subaybay, eabi eon kat naggrabe ro epekto it Covid 19.
Para sa tampad nga mga tagasubaybay it Bombo Radyo Philippines, makasalig kamu nga padayun nga igatao it Network ro matuod nga serbisyong ginakinahang-ean ag gusto it audience.
Ro strategic planning conference hay may katuyuan nga makita ro mga nahimo eon ag igapadayun ro best practices sa areas of operations.
Kadungan it pag-umwad it teknolohiya, ro Bombo Radyo Philippines ag Digital Bombo hay magapadayun man agud nga magamit ro mga development ngara para sa mas maeawig pang serbisyo publiko.
Raya ro inyong Bombo Radyo Philippines, the Most Trusted and Number One Radio Network in the Country!
