Magabiyahe paagto sa Pilipinas ag sa iba pang mga nasyon sa Asya ro sangka US ranking official nga responsable sa arms control ag international security sa masunod nga dominggo.
Raya hay para pagatalakayon ro nagakaeain-eain nga klase it kooperasyon, kaibahan man ro nuclear energy nga kabahin it pakigbueuligan it Amerika sa Pilipinas sa idaeom it administrasyong Marcos.
Maga-abot sa nasyon si Undersecretary for Arms Control ag International Security Ambassador it US State Department nga si Bonnie Jenkins sa Maynila sa Setyembre 5.
Ro pagbisita ni Jenkin sa Pilipinas hay kabahin it anang three-leg Asian visit, nga ginakaeakipan it mga biyahe sa Vietnam ag Singapore.
Suno sa US Department, tuyo it pagbiyahe ni Jenkins hay para makigpueong sa mga kaalyado ag kasosyo it US para sa pag-eapnaag it kooperasyon sa counterproliferation, conventional weapons destruction, civil-nuclear partnership, export controls ag strategic trade.”
Samtang, pagatalakayon man kara ro implementasyon it women, peace, and security agenda ag tanan nga nagapanguna nga elemento it promisa it US sa pangrehiyong seguridad sa sangka libre ag bukas nga rehiyon it Indo-Pacific.
