KALIBO, Aklan—Sumaka pa sa 49 ro kabilugan nga numero it mga namatay bangud sa Coronavirus Disease 2019 ukon COVID-19 sa bilog nga probinsya it Aklan umpisa nga nagtuhaw ro pandemya.
Base sa ginpagguwa nga datos it Provincial Health Office (PHO) Aklan, raya hay matapos nga makalista it tatlong panibag-ong namatay tuga it COVID-19 infection nga ginakaeakipan nanday case No. 1831, 1857 ag 1932.
Sa pihak kara, may napueo man nga nagdugang nga bag-ong nagpositibo rason nga humampak eon sa 2,174 ro total confirmed cases.
Samtang, may 23 man nga nagdugang sa mga nagmayad rason nga nag-abot eon sa 1,826 ro total recoveries.
Sa makaron, may 299 pa nga aktibong kaso ro probinsya nga ginakaeakipan it 228 nga naka-facility quarantined, 26 nga admitted sa Aklan Provincial Hospital ag 45 nga naka-home quarantined.
