KALIBO, Aklan–Ginpamalibaran it lokal nga gobyerno it Malay nga magapatuman it total lockdown sa isla it Boracay tunga it paeag it Coronavirus Disease 2019 (COVID-19).
Apang, igakonsidera sigon nanda engkaso nga indi magnaba ro numero it kaso it deadly virus.
Sa ginpatigayun nga virtual press conference, ginpahayag ni Malay Mayor Frolibar Bautista, padayun ro operasyon it mga hotels ag resorts sa isla bangud may una man nga negative RT-PCR tests ro mga turistang nagasueod.
Ginataw-an sigon ro mga raya it hotel management it Q-pass sa Barangay para hilway nga maka-pamasyar sa isla.
May kaangtanan kara, nagpanawaga eon it bulig-pinansiyal ro LGU-Malay sa provincial government at sa Department of Social Welfare and Development (DSWD) bangud paubos eon ro andang pondo para sa Covid 19 response.
Presenteng naka-Enhanced Community Quarantine (ECQ) ro bilog nga Barangay Balabag ag naka-surgical lockdown ro Purok 1 ag 7 it Barangay Manocmanoc hasta Abril 14.
Nasayuran nga ko Marso 10, sangka turista halin sa Manila ro naki-party sa isla ag nakabalik eon raya sa Manila kat masayuran nga positibo sa COVID-19.
Samtang, gina-imbestigahan eon it Malay Police Station ro mga bars nga nag-eabag sa health protocols.
