-- ADVERTISEMENT --
KALIBO, Aklan—Gin-insister ni Kalibo Sangguniang Bayan member Augusto Tolentino nga dapat makaangkon it total vaccination kontra COVID-19 sa tanan nga pumueoyong Kalibonhon.
Raya hay matapos nga makasueod eon sa probinsya it Aklan ro mas mabagsik nga Delta variant it COVID-19.
Suno kay Tolentino, nagpasa imaw it resolution nga nagatuyo nga mabakunahan ro mga essential workers nga nagatrabaho sa banwa it Kalibo.
Mag-eowas kara, plano man sigon it lokal nga gobyerno nga magbakae it dugang nga supply it bakuna.
Halin sa masobra 80,000 nga kabilugang populasyon it banwa kapin sa 11,000 pa eamang ro nabakunahan.
-- ADVERTISEMENT --
