KALIBO, Aklan—Puro negatibo ro mga tourism workers nga ginpaidaeum sa libreng COVID-19 RT-PCR tests sa isla it Boracay nga gin-umpisahan ko Disyembre 26 hasta 29, 2020.
Suno kay Dr. Cornelio Cuatchon Jr., it PHO-Aklan nga kabilugan nga 1,491 nga mga trabahador sa isla ro andang natigayon nga maboe-an it swab specimen samples ag ginahueat pa ro ibang resulta kara.
Ginpaathag ni Dr. Cuatchon nga kaparte raya it programa it Department of Tourism (DOT) agud nga masiguro ro ikamayad nga eawas ag kaeowasan it mga turista nga andang makasalamuha.
Suno kana nga ginmandu it DOT nga regular ro pagahimuon nga swab tests sa mga tourism workers.
Madumduman nga nagtaeana ro ahensiya it P8 milyon pesos nga pondo pinaagi sa Tourism Promotions Board (TPB) nga gintau sa Aklan Provincial Government para sabton ro gastos sa swab tests it mga trabahador sa Boracay.
