KALIBO, Aklan–Mas pang naglobo ro numero it mga turista sa isla it Boracay sa bisperas it Paskwa.
Suno kay Senior Chief Petty Officer Dominador Salvino, deputy commander for operations ng Philippine Coast Guard (PCG)-Aklan, maskin nga dere-deretso ro pag-aeabutan it mga bakasyunista, apang manageable pa ro pagbuhos it mga raya.
Samtang, hugut nanda nga ginabantayan makaron ro mga ginapatigayon nga sea sports activities kasunod it ginpaguwa nga gale warning it PAGASA.
Ginpahayag nga gin abisuhan nanda ro mga stakeholders nga i-regulate ro andang operasyon bangud sa mabaskog nga hangin ag humbak.
Bangud suno kana sa request it mga operators hay owa nanda ginkansela mga sea sports activities agud nga mas pang ma-enjoy it mga turista ro andang bakasyon, apang limitado eamang.
Sa pihak nga parte, nagpangayo man raya it pag-intindi sa mga biyahero sa pag-instrikto sa pre-departure inspection it mga barko ag motorbanca sa Caticlan ag Cagban jetty ports antes eubusan nga pasugtan nga makaeayag.
Bangud sa buhos it mga pasahero, nagakaubusan sigon kon amat it roll-on-roll-off ukon RoRo vessel paagto sa Mindoro ag Batangas port.
Sa makaron hay ginkansela anay ro biyahe halin sa Romblon paagto sa Caticlan port bangud sa mga mabahoe nga humbak.
