KALIBO, Aklan–Nagpahayag it kalipay si Malay Mayor Frolibar Bautista sa padayun nga pagtaas it numero it mga turistang nagabisita sa isla it Boracay.
Base sa listahan it Malay Municipal Tourism Office, naga-abot eon sa 10,708 ro tourist arrival umpisa Marso 1 hasta 14.
Suno kay Mayor Bautista nga naga-average makaron sa 700 kada adlaw ro mga turistang nagabakasyon kumpara sa nailistang 500 ko nagtaliwan nga mga binuean.
Sa kabilugan nga numero hay nagapanguna kara ro mga taga-National Capital Region (NCR) nga may una nga 6,387 nga ginsundan it taga-Aklan nga may una nga 835.
Samtang, suno pa sa alkalde nga eauman pa sigon ro padayun nga pagtaas it tourist arrival sa isla makaron nga summer season.
Owa gihapon it pagbag-o sa mga requirements agud nga makasueod sa isla.
Kinahangean nga makasumite anay it negatibong RT-PCR test, confirmed booking form, ID, ag travel details sa touristboracay@gmail.com agud nga makabo-oe it tourist QR code.
