KALIBO, Aklan—Kabaliktaran sa ginaeauman nga pagbuhos it mga bisita bangud nga ro Abril hay ginakabig nga pag-umpisa it super peak season sa isla it Boracay, mas pang sumadsad ro tourist arrivals.
Suno kay Malay Municipal Officer Felix Delos Santos nga umpisa Abril 1 hasta 11, 2021, nakalista ro andang taeatapan it 746 eamang nga turista.
Kaabuan kara hay naghalin sa Western Visayas nga kaeabanan hay mga aklanon nga nag-abot sa 666.
Raya hay ginsundan it taga central visayas nga may kapin sa 58.
Aminado si Delos Santos nga mabahoe nga factor sa pagnaba it tourist arrivals ro ginpatuman it Inter-Agency Task Force (IATF) nga “NCR Plus Bubble” kun sa siin hay ginlimitahan ro hueag it mga taga-Metro Manila ag kaiping nga mga probinsya.
Dugang pa ro ginpatuman nga Enhanced Community Quarantine sa Balabag ag Surgical lockdown sa daywang purok sa Manocmanoc nga magatapos eon man sa Abril 14.
Sa kamatuoran suno kana ko lunes nga adlaw hay ap-at nga ka bisita eamang ro nagbakasyon sa isla.
