Ginaeauman it Department of Tourism (DOT) nga mas magabuhos pa ro mga magasueod sa nasyon ukon tourist arrivals kasunod it paghaeuga sa entry requirements.
Nauna kara, ginpatuman eon it gobyerno it Pilipinas ro sueondanan nga bukon eon it kinahangean pa ro pre-departure COVID-19 test para sa mga incoming fully vaccinated passengers nga nag-umpisa eo ku nagtaliwan nga Mayo 30.
Sambilog raya sa mga tikang para makarekober ro ekonomiya maghalin sa epekto it COVID pandemic.
Kung madumduman ga nauna eon nga gin-aprubahan it Inter-Agency Task Force for the Management of Emerging Infectious Diseases (IATF-EID) ro Resolution 168 nga nagatao it exemptions sa mga fully vaccinated ag boostered foreign nationals nga magapakita pa it RT-PCR test requirement.
Sandig sa bag-ong sueondanan ro mga biyahero nga may edad 18-anyos panaba hay kinahangean eamang magpaturok it COVID-19 vaccines ag maskin sambilog nga booster shot.
Exempted man sa pre-departure RT-PCR requirement ro mga foreign nationals nga may edad 12-anyos asta 17-anyos nga nakabaton eon it primary COVID-19 vaccines ukon ro mga may edad 12-anyos panaba nga may kaibahang fully vaccinated ukon boostered parents ukon guardians.
Ro nasambit nga exemption guidelines hay para man sa mga Pinoy nga magabiyahe paagto it Pilipinas.
