KALIBO, Aklan — Bangud sa kagustuhan nga makit-an ro bag-ong Boracay, nag-eampas ro gintaeanang tourist arrival capacity sa sueod it sang adlaw.
Raya ro pagpati ni Malay councilor ag Boracay Foundation Incorporated (BFI) president Maylynn Graf.
Ko Nobyembre 30, 2018, holiday sa nasyon sa selebrasyon it Bonifacio day hay nag-abot sa 6,772 ro tourist arrivals base sa datos it Municipal Tourism Office it lokal nga gobyerno it Malay, Aklan.
Raya hay kabaliskaran sa ginpahayag it Department of Tourism nga hasta 6,405 nga turista eon lang ro pwedeng magsueod sa isla kada adlaw.
Kaeabanan sa mga bumuhos ko Nobyembre 30 hay mga local tourists nga nag-abot sa 4,845 samtang ro mga dumueoong hay nakalista it 1,888 ag ro overseas Filipino workers hay 39.
Para sa BFI, grupo it mga negosyante sa isla nga nagapabiling nakakaakit ro Boracay sa mga turista.
Suno kay Graf ginapahauman eon it mga compliant hotels ag resorts sa isla ro pagbuhos it mga turista sa maabot nga Paskwa, Bag-ong dag-on ag dag-unang Ati-Atihan festival sa Enero.
Nasayuran nga ginpasarado it gobyerno ro sikat nga isla ko Abril agud taw-an it daean ro paglimpyo ag rehabilitasyon.
Uman raya nga ginbuksan sa publiko ko Oktubre 26.
