KALIBO, Aklan—Eubos nga naapektuhan ro numero it mga turistang nagabisita sa isla it Boracay bangud sa ginapatuman nga lockdown sa NCR plus bubble kamana man ro pagpatuman it Enhanced Community Quarantine ukon ECQ sa Brgy. Balabag ag Manoc-manoc sa nasambitan nga isla.
Suno kay Malay Tourism Officer Felix Delos Santos nga sa makarun hay puro mga aklanon ag mga residente maghalin sa Western Visayas eamang ro mga nagabisita sa bantog nga isla.
Ko nagtaliwan nga pilang adlaw hay nakalista eamang sigon sanda it kapin sa 519 nga mga turistang nagbisita sa Isla hasta nga nagnaba it hasta 42 ag 22 eun lang kada adlaw.
Madumduman nga ginpaidaeum sa ECQ ro bilog nga Barangay Balabag samtang ro zone 1 ag 7 man sa Barangay Manocmanoc hay una sa idaeum it surgical lockdown matapos nga makalista it mga kaso it COVID-19.
Ro Barangay Balabag hay ginakabig nga sambilog sa mga barangay nga may maabong mga hotels ag resorts nga ginadayo it mga turistang nagabisita sa isla.
