KALIBO, Aklan—-Nagtaas it sangkiri ro tourist arrival sa isla it Boracay sa unang dominggo it buean it Nobyembre.
Base sa datos halin sa Malay Tourism Office, nag-abot sa 866 ro numero it mga turista nga nagbisita sa sikat nga isla halin ko Nobyembre 1-9, 2020.
Sa nasambitang numero, 217 ro halin sa probinsya it Aklan; 4 halin sa Bacolod City; 19 ro taga-Iloilo City; ag 3 sa Capiz.
Kaeabanan sa mga bisita hay mga kaeaeakin-an nga umabot sa 472 ag 394 man ro mga kababayin-an nga may ead 22-59 anyos.
Sa makaron, puspusan ro pagtinguha it Aklan officials nga mapasugot ro Boracay Inter Agency Task Force sa hinyo it mga raya nga dueaon ro negatibong resulta it Reverse Transcription Polymerase Chain Reaction ukon RTPCR test bilang requirements sa mga turistang gustong magbakasyon sa isla.
Kasunod raya sa mahinang pagsueod ko numero it mga turista maskin nga ginbuksan eon ro Boracay sa domestic tourist.
