NEWS Analysis–Maabu nga pobre ro nagasalig sa ayuda it gobyerno.
Kon maduea ro ayuda, maabu ro magutuman.
Iya eamang sa Pilipinas maabung ayudang ginatau ro gobyerno.
May Pantawid Pamilyang Pilipino Program (4Ps), Assistance to Individuals in Crisis Situations (AICS) ag ro pinakabag-o hay ro “Food Stamp Program” nga suno sa Department of Social Welfare and Development (DSWD) hay paga-umpisahan sa masunod nga buean.
Mag-eowas sa ayuda it national government, may una pang ayuda ro local government nga kaeabanan hay cash ro ginatau.
May una man nga para sa senior citizens ag persons with disabilities (PWDs).
Sa pinaka-ulihing datos, kapin sa 4.4 milyon ro benepisyaryo it 4Ps.
May una raya nga dag-unan nga budget nga P200 bilyon pesos.// ko nagtaliwan nga dag-on, natukiban nga maabu nga 4Ps beneficiaries ro nagdinaya.
Owa nanda gin report nga “graduate” eon ro pamilya nanda rason nga padayun gihapon nga naga-kubra it cash ayuda sa DSWD.
Ginklaru it DSWD nga ro mga benepisyaryo it 4Ps hay bukon it kaibahan sa bag-ong Food Stamp program nga maga-arangkada eon sa Hulyo.
Kapin sa P40-bilyon pesos ro pondo it Food Stamp ag kapin sa 1-milyon ro benepisyaryo.
Ro mga benepisyaryo hay kinahangean nga may maipakitang trabaho ag nagasweldo it indi maga-eampas sa P8,000 pesos kada buean.
Sa idaeum it programa, magabaton it P3,000 pesos kada buean ro benepisyaryo pinaagi sa tap cards.
Igapabaylo raya sa mga ka-partner nga grocery stores, supermarkets ag Kadiwa-centers it gobyerno.
Maabu eon nga ayuda para sa mga pobre ro gobyerno ag siguro raya hay owa it katapusan.
Kinahangean nga magtinguha ro gobyerno nga mag-obra it mga trabaho para sa mga benepisyaryo.
Kapareho it ginhambae ni President Ferdinand Marcos Jr., trabaho ag bukon it cash ro kinahangean it mga Pinoy.
Dapat nga mag obra it maabu nga trabaho ro gobyerno.
Raya ro kinahangean agud nga indi ma-anad ro kaabuan nga pirmeng nakabukas ro paead ag nagahueat it taw-an.
Kinahangean nga kaintigo nga magpahueas para may makaon
