KALIBO, Aklan — Igalunsar it Aklan Provincial Police Office (APPO) ro andang proyekto kaangot sa Traffic Discipline Zone.
Sa sangka press conference, ginpahayag ni APPO Director Police Colonel Esmeraldo P. Osia Jr. nga ro katuyuan it nasambit nga proyekto hay mabawasan ro aksidente sa daeanon; ma-promote ro culture traffic discipline; ma-elevate ro level it confidence it mga stakeholders; ag maging progresibo ro probinsya it Aklan to live worth and do bussiness.
Katuyuan dugang nga madisiplina ro mga motorista sa daeanon ag maipaintindi sa mga raya ro importansya it kabuhi.
Base suno kana sa pinakaulihing datos, kapin sa 3,097 nga motorcycle accidents ro andang nailista.
May kaangtanan kara, unang iga-implementar ro proyekto sa mga identified areas partikular sa banwa it Banga, New Washington, Numancia ag Kalibo.
Dikara suno kana nga mga lugar ro maabong nag-eontad nga aksidente sa daeanon.
Sa pihak nga parte, ginpahayag dugang ni P/Col. Osia nga sa oras nga mailunsar ro proyekto hay may maga-assess ag maga-evaluate insigida kon nasunod ro objective kara.
May deployment it kapulisan sa nasambit nga mga lugar halin alas-6:00 it gabi-i hasta it alas-8:00 it gabi-i.
Ginpahayag dugang nga sa rayang oras nagaguwa ro mga una sa impluwensya it aeak agud nga magpamasyar.
Kon may mataeopangdan sigon sanda hay gilayon nga pagadakpon it mga awtoridad.
