KALIBO, Aklan–Pormal eon nga nagtapos ro serye it mga training it mga manugturo nga magaserbing electoral board sa paggamit it Vote Counting Machines ukon VCMs bilang preparasyon sa nagahilapit nga May 9 nga national and local elections.
Suno kay Crispin RaymundGerardo, tagapaghambae it Commission on Elections ukon Comelec-Aklan nga haeos sang buean ro ginpatigayon nga live-in seminar/training it masobra sa 1,000 nga mga teachers nga nag-umpisa ko buean it Pebrero.
Kaibahan sa andang training hay ro pagpadaeagan it eleksyon sa kada presinto ag ro pag-operate ag troubleshoot it VCMs.
Angot kara, ginpasaeamatan ni Gerardo ro mga manugturo sa andang uman nga pagserbisyo sa maabot nga eleksyon maskin nga bukon eon sanda it required kara.
Samtang, masunod nga igapaidaeum sa training hay ro mga magaserbing municipal ag provincial board of canvassers.
Makaangkon pa sigon ro mga raya it final briefing antes nga isalang sa eleksyon.
Magabukas suno kana ro mga polling precincts sa mayo 9 alas 6 it agahon hasta alas 7 it gabi-i.
