KALIBO, Aklan — Tumagilid ro sangka trak nga may kargang baeas sa national highway nga sakop it Sitio Bangbang, Brgy. Feliciano, Balete, bandang ala-1:30 Martes it hapon.
Suno sa driver it trak nga si Remar Dusaran, 38, residente it Brgy. Calaigang, San Rafael, Iloilo, gulping naduea-an it preno ro saeakyan sa pakurbada nga karsada.
Ginpahayag dugang nga halin sanda sa banwa it Banga kaibahan ro anang helper nga si Stephen Dieron, 41, ag paagto kunta sa Ivisan, Capiz kat matabu ro aksidente.
Nagkalhit ro karga kara nga baeas kat tumagilid ro trak.
Ginpadasig nanda ro pagbo-oe sa mga baeas sa karsada agud nga indi eon magtuga it trapiko.
Sa mayad nga swerte hay owa man it naninahan sa insidente.
Suno sa Balete Police Station nga maabu eon nga beses nga may naaksidente sa lugar rason nga ginapadumdum nanda sa mga motorista nga magdahan sa pagpamaneho.
