KALIBO, Aklan—Nauuso makarun nga paniyempo ro trangkaso.
Haeos sa kada pagpatak it buean it Disiyembre hasta Pebrero hay maabo ro nagamasakit.
May pagkapareho ro sintomas it flu ukon trangkaso ag ro ginabantayan makarun nga omicron variant it covid-19.
Suno kay Dr. Glenford Refre sangka internist-pulmonologist nga sa makarun nga nauuso ro trangkaso hay dapat nga indi magpakampante ro mga pomoeuyo.
Dapat man nga antiguhan magtan-aw kung ano ro mga sintomas it trangkaso ag kung alin ro pinagkaiba kara sa covid-19.
Sambilog sigon sa mga dapat ikonsidera hay ro history of exposure it sangka tawo kung raya hay may nakasalamuha nga covid-19 positive ukon owa.
Kung makabatyag eun it ano man nga klase it sintomas hay magpangaman eagi ag mag-isolate sa mga miyembro it pamilya.
Dapat man suno pa kana nga ugalion ro pag-inom it maabong tubi ag pagkaon it masustansiyang pagkaon kapareho it tinu-ea ag prutas kamana man ro pagbutang it sabaw sa pagkaon para mabuligan ro eawas nga makasukoe sa infection.
