KALIBO, Aklan—Ginpaathag ni Presidential candidate Senator Panfilo “Ping” Lacson nga dapat padasigan eon ro transition halin sa pandemic paadto it endemic stage agud masigurado ro madasig nga pagbangon it nasyon.
Suno kay Lacson, suportado nana ro proposisyon it National Economic and Development Authority (NEDA) nga ibutang eon sa Alert level 1 ro bilog nga nasyon para makabalik eon sa trabaho ro maabu nga mga pumueoyo.
Sambilog pa sa gustong tutukan ni Lacson hay ro maging digitalize ro government process ag transaction para makahimo it skills matching.
Agud nga raya hay mahimo, kinahang-ean sigon nga ma-improve ro internet service ag pondohan ro national broadband highway nga naga-abot sa P18 billion.
Mag-eowas kara, dapat man nga padasigan ro rollout it Philippine Identification System para magamit eon it mga pumueoyo sa mas madali nga panyempo.
Sa makaron, naga-abot pa eamang sigon sa daywang milyong Filipino ro nakabuoe it PhilSys ID halin sa Philippine Statistics Authority.
