Ginaeauman nga matapos eon sa Agosto it presenteng dag-on ro mabahoe nga transmission project nga makabulig sa pagresolba it problema sa kuryente sa Boracay ag iba pang parte it Aklan suno sa Department of Energy (DOE).
Ginpahayag it DOE nga andang paga-inspeksyunon, kaibahan ro iba pang ahensya ro P5.27-billion Nabas-Caticlan-Boracay Transmission Line Project (NCBTLP), nga presenteng una eon sa 93.16 porsiyento nga kumpleto.
Tuyo it proyekto nga magtao it mas malig-on ag masaligan nga suplay it kuryente sa Aklan, kapin eon sa Boracay nga sambilog sa nagapangunang tourist destinations it nasyon.
Suno kay DOE Undersecretary Rowena Cristina Guevara, ginapadasig eon ro pagtapos it proyekto bangud sa importante ro bastanteng kuryente sa padayon nga pag-umwad it ekonomiya ag turismo sa lugar.
Dugang pa it DOE, ginaeauman man nga makaengganyo ro proyekto it mga investors nga magpatindog it renewable energy projects sa probinsya agud mabuligan ro nagataas nga demand sa kuryente.
Kon matapos, ginaeauman nga makapanipueos ro kapin sa 155,474 residential customers, 13,388 commercial establishments, ag 27 industrial users sa Aklan.
inpunto man it ahensya nga importante ro makaraya nga klase it imprastraktura sa pagduso it pangkabilugang katuyuan it sektor it enerhiya sa nasyon.
