Posible sigon magpatigayo ro grupo it mga tsuper it andang protesta ag sangka transport strike man ro matabo kung magapadayon eoman ro maeagkoan nga dugang sa presyo it mga produktong petrolyo.
Ginpahayag ni Piston President Mody Floranda nga bukon eon it insakto ro dominggohan nga oil price adjustment bangud pilang buean man ro stock it mga oil players.
Suno kay Floranda, owa eon sigon it nauuli ro mga tsuper it jeep sa andang pamilya bangud sa mataas nga umento sa kada litro it diesel.
Makaro nga adlaw hay magapatigayon eoman ro mga oil companies it maeagkoan nga umento sa presyo it petrolyo nga ga abot sa kapin P6 pesos.
Suno sa mga energy sources, base sa May 30 asta June 3 oil trading ro umento sa kada litro it diesel hay nagasipa sa P6.40 asta P6.70 pesos.
Magataas man ro presyo it gasolina kapin sa P2.50 asta P2.80 kada litro samtang sa kerosene man hay magataas it presyo nga P5.15 asta P5.30 kada litro.
Sa pihak nga parte, gin-anunsyo ro oil price adjustment sa adlaw it Lunes ag ginapatuman sa adlaw ng Martes.
