HEALTH News– Pagapatag-uron it Department of Health (DOH) ro treatment plan ukon pagbueong para sa Tuberculosis ukon TB.
Suno kay Health Secretary Ted Herbosa, halin sa an-um nga buean nga pagbueong hay pagapatag-uron raya sa ap-at nga buean nga igapatuman sa ikatlong quarter it dag-on.
Suno kana nga ro mas matag-od nga tiempo nga pag-inom it bueong para sa tuberculosis hay mas makabulig agud nga magmayad it eubusan ro TB ag mapugngan ro pagkalhit it sakit.
Dugang pa ni Herbosa, ginarekomenda it World Health Organization (WHO) nga gamiton ro ap-at nga buean nga pagbueong kun sa siin paga-imnon eamang it pasyente ro sangka partikular nga bueong sa sueod it daywang buean, ag pagkatapos hay ibang bueong man sa nabilin pang daywang buean.
Nasayuran nga sambilog ro Pilipinas sa ap-at nga nasyong may mataas nga death cases it TB, kun sa siin kaibahan kara ro India, Indonesia, ag Myanmar.
