Eubus ro kalipay it Tribu Bukid Tigayon matapos nga nagbunga ro tanan nanda nga sakripisyo ag preparasyon sa pagpasakop sa custome contest and street dancing competition sa Kalibo Sr. Sto. Niño Ati-Atihan Festival 2023.
Suno kay Renzy Martinez, tribal leader ag organizer it Tribu Bukid Tigayon nga kapin sa ap-at nga buean ro andang naging preparasyon ag mas pang nag-effort sanda it husto pilang dominggo antes ro kompetisyon.
Uwa sigon it sudlan ro andang kalipay matapos nga sanda ro nakakuhit it 1st place nga may premyong P150,000 pesos sa tribal group small category ag dugang pa kara ro mga special awards nga ginakaeakipan it Best in Kalibo Ati-Atihan Costume, Best in Beats and Sounds and Most Discipline Kalibo Ati-Atihan Group kamana man Best in Kalibo Ati-Atihan Street Dancing.
Nagtrabaho sigon it husto ro tanan nga miyembro it grupo rason nga naangkon nanda ro kadaeag-an ag bilang pasaeamat hay makaangkon sanda it kasadyahan sa oras nga mapasaalima eon nanda ro andang cash prize.
Nag-apela man raya sa anang mga miyembro nga padayon eamang sa pagpanaad kay Sr. Sto. Niño de Kalibo ag magiging bilog ro suporta sa kada isaea para magpadayon ro andang grupo sa mga masunod pa gid nga dinag-on it ginakabig nga Mother of All Philippine Festivals
