KALIBO, Aklan—Haeos 80 porsiyento eon nga haum ro tribu kabog agud nga madepensahan ro andang titulo sa paeaabuton nga Kalibo Sadsad Ati-Atihan Contest sa Enero 2025 sa tribal small category.
Suno kay Cezar Icabande , presidente it nasambit nga tribu patapos eon ro andang mga costume ag excited eon man ro andang mga dancers .
Dugang pa nana nga maabu ro interesado nga magpasakop sa andang tribu , apang limitado eamang sa 45 hasta 55 ro mga dancers para sa tribal small category .
Owa man sigon it ginbag-o sa andang drum beat ag preparado eon sanda nga magapasundayag sa gina-abangan nga event sa sikat nga ati-atihan celebration .
Handum nanda nga mapabilin ro mayad nga performance nga andang ginpakita ko nagtaliwan nga ati-atihan agud nga madepensahan ro andang titulo.
Madumduman nga naangkon it tribu kabog ro top spot sa sadsad contest ag humakot pa it limang special awards.
Nasayuran nga umpisa ko 1970 hay nagapasakop eon ro andang tribu sa festival.
