KALIBO, Aklan—Nagkarambola ro motorsiklo ag tricycle matapos nga sinunggaban ro mga raya it sangka pick-up sa Capitol Site, Brgy. Estancia, Kalibo, Aklan.
Suno sa tricycle driver nga si Leonardo Zonio ag residente it nasambitang lugar, uwa it headlight ro pick-up kon sa siin nakibot eamang sanda kat ginsunggaban eon ro anang behikulo pati ro ginasundan kara nga motorsiklo.
Ginpahayag dugang nga ginhana pa it driver nga umatras agud nga makapaeagyo apang naharangan gilayon it mga tawo sa lugar rason nga uwa eon imaw nakapanaw pa.
Suno pa kay Zonio, una sa idaeom it impluwensya it aeak ro nasambitang driver bangud nga halin sigon raya sa pyestahan.
Samtang, pursigido imaw nga magpasettle sa driver/suspek engkaso nga magkaistorya eon sanda bangud nga kumpleto man sa dokumento ro anang behikulo ag may ana man nga lisensya.
Ro insidente hay nagtuga it kasakitan ag pila ka mga lastro sa kaeawasan ni Zonio kaibahan ro anang onga nga sakay man sa nasambitang tricycle kamana man pati sa driver it motorsiklo.
