KALIBO, Aklan—Mabahoe ro pagpasaeamat it sangka ginang matapos nga maibalik kana it sangka tricycle driver ro anang nawigit nga alahas nga nagabalor it P24,276.
Suno kay Adelaida Magno, makabig nga swerte ro pagkabalik it anang alahas bangud sa makarun nga tyempo hay maeaka eun lang makakita it tawo nga may binueawanon nga tagipusuon kaparehas ni Arnol Juanico.
Ginpahayag dugang nga bag-o eamang nga eukat ro nasambitang alahas kat nawigit raya sa anang buesa.
Paadto eun kunta imaw sa sangka establisyemento kat natukiban kara nga uwa eon ro anang alahas kat hana kunta imaw nga magbueo it pamasahe sa anang boesa rason nga ginpakamayad kara nga ipanawagan sa Bombo Radyo nga natyempo man nga mismong si Arnol kaibahan ro anang asawa ro personal nga nag-uli it alahas kay Magno.
Samtang sa pihak nga parte, ginlaygayan it huwaran nga tricycle driver ro kapareho kara nga drivers nga indi pagboe-on ro mga bagay nga naaywanan sa andang ginabyaheng tricycle.
Owa man sigon nag-abot sa punto nga ginka-intrisan nana ro nasambit nga alahas bangud nakasayod man imaw sa sakit nga nabatyagan it sangka indibidwal nga maduea-an it gamit.
