KALIBO, Aklan — Arestado ro sangka 34-anyos nga eaeaki matapos gin hangkat nga humithit it gina dudahang shabu ro sangka pulis nga naka-inuman sa sueod it sangka bar sa Kalibo, Aklan.
Gin kilaea ro suspek nga si Reynato Pamintuan, Jr., sangka tricycle driver ag residente it Brgy. Estancia, Kalibo.
Base sa report ng Kalibo Police Station, nagkakilaea sanday Pamintuan ag SPO1 Clemente Magtanum nga nakataeana sa Aklan Provincial Police Office sa nasambitang bar kun siin samtang naga inuman hay gin tanyag kara ro pulis nga gumamit it shabu.
Pagkatapos kara hay nagsaylu sa sambilog pang bar ro suspek nga sinundan it pulis sa tinotuyo nga makabo-oe it dugang nga impormasyon.
Kat madiskubreng pulis ro naga sinunod kana hay insigida rayang naghimo it eksena ag sa pihak nga sa sueod it police station hay owa raya it untat sa pagwinala.
Si Pamintuan hay kulong sa makaron sa Kalibo PNP Station ag naga pangatubang it patong-patong nga kaso.
