Sport News————Tatlong gold medals eun ro nabo-oe it 20-anyos nga South Korean archer nga si An San sa Tokyo2020 Olympics.
Apang sa pihak kara hay nakabatun pa imaw it pagpang-bash maghalin sa kaugalingon karang nasyon.// ro rason: ro anang matag-od nga buhok.
Suno sa report it Reuters, nakaangkon it online abuse si An kung siin ginatawag nga “feminist” ro anang hairstyle.
Raya hay sangka sentimyento kontra-peminismo sa mga binatang eaeaki sa South Korea.
Sayod eun it coach ni An ro nabilog nga kontrobersiya.
Sa kamatuoran matapos ro sangka elimination round ko Huwebes—nag-abot eun sa punto nga ginsaea it coach ro mga pangutana para kay An sa press conference.
Mainit nga gina-istoryahan sa South Korea makarun ro mabahoe nga pagkontra sa pagduso it mga layi ag ordinansa para sa women’s rights.
Bilang pagsuporta kay An, maabo man man nga celebrity ag politiko idto ro nagpaguwa it andang pahayag angot sa nasambitan nga isyu.
